RECENSIES JANSE BAGGE BEND 2001

Hier treffen jullie de recensies aan uit het jaar 2001. We bewaren alle oude recensies zodat je ze nog een keertje kunt nalezen. Tevens staat er een verwijzing bij iedere recensie naar de kleine selectie van foto's. Deze blijven er altijd op staan. De grote selectie van foto's is slechts van de laatste jaren te bekijken. Hieronder staat aangegeven wat je aantreft op deze pagina.

Jaartal recensies 2001
Kleine foto selectie aanwezig? Ja
Foto's in het fotoalbum aanwezig? Nee

Ons fotoalbum met foto's van de laatste jaren is te vinden op: fotoalbum.jansebagge.nl

"Kort bie d'n tap toer"

DE BUREN Zitterd 2001

Wat erg, wat erg, wat erg, wat erg veur al die luuj wat gisteroavend bie De Buren oppe sjtoep höbbe gesjtange en d'r neet mee bie kooste. 't Woor natuurlik lullig veur die luuj doa boete, mer 't woor toch ech anges te gek gewoore.

Doa koos dus ech geine mee bie. Enfin, de luuj wat dus waal benne woore die höbbe zich toch good geammezeerd houp ich.
't Blif baereleuk om dit te doon. Zo klein, kort op ein, Basseur Hen moos sjteeds aan de kanjt goan sjtoan omdet d'r luuj langs mooste, euver 't podium, om achter 't bühnke noa de toilette te goan.
Die hawwe gemiddeld al 7 minuten neudig om van 't buffet tot oppe bühn te komme.
En den leep weer eemes veur mich langs, sjtapde omleeg en zoog die donker monitors neet en loog den weer langoet oppe vloer.
Toen koom dus auch nog de delegatie oet Sjpanje, die Zjwarte Piete, d'r bie, en 't woor al boemvol! Wat eine heerlikke ongerein.

De vaste fans hawwe in de gaten det " The Gentle Giant" Eric dus, weer wie vreuger aan de toetse zoot, Thijs sjpeelde soms gitaar en soms trekzak en ooze vaste sologitarist, Peter, dae zoot, gegarandeerd mit aeve vööl pinte es os, in Dasburg. Dae woor d'r dus neet bie deze keer.
Mer 't ging toch prima, niks gesoundcheck, g'r gluif 't missjien neet, mer dit wurt veur 2002 gegarandeerd vaker gedoan.
D'r zeen al een paar kroegbazen die zich gemeld höbbe om de "Kort-bie-d'n tap-toer" te loate neersjtrieke in hun eige kroeg.
G'r wet de procedure, kenne d'r ein man of 100 tot 200 in, althans in ein loag, dus neet sjtapele, den mail noa oos mailadres en w'r kieke wienee w'r komme.

Ja, wat motte w'r nog zegge van 't optraeje, ich hoop det George Harrison oos versie van "Here comes the sun" gewaardeerd haet en oh, die Gretsch woor op 't letste zo valsj omdet mich eine taege de sjtömsjleutels geloupe woor, eine wat woor goan pisse dus.
Toen woor auch nog de batterie van 't sjtömapparaat laeg en sjtömme via mien eige oore ging neet mee noa al die Grimbergen, hik.

En, och erm, ooze Wim, de saxofonist, dae haw sjmörges mit zien henj in ein frees gehange, dae koom om ein oer of 20.00 benne, mit zien klawwe vol Hansaplast en rood verbanjd.
Achter in die kleidkamer leek 't ein bietje op ein aflevering van de serie MASH, Eric haet 'm det 'ns netjes bie-ein gerete en good verbonje, Wim haw de vinger zo wiet oape ligge det 't net eine bedde-matras woor, wo de kapok oet koom.
Eric wool 't eers good goan ontsjmette en omdet w'r geine jodium zooge, mer waal in de keuken kooste bie de Buren, höbbe w'r mer ein flesj TABASCO gepak, mer Wim wool det toch lever neet gebroeke, nou, ondanks zien kloppende vinger ( "Hoort wie klopt daar kinderen") en zien lepke det sjteeds roojer wort, haet Wim toch good gebloaze en veural, gedronke.

Veur al die luuj die veur de kat heur viool, veur nix noa Zitterd zeen gekomme en d'r neet mee bie kooste, sorry, volgende keer baeter en treus uch, w'r komme gegarandeerd nog eine keer bie uch in de buurt.

Tot ziens, Henk Grimbergen :-)

Voor foto's van dit optreden: klik hier

Janse Bagge in Born

De Aw Pastorie 2001

Toen Leon sjmiddigs de vrachwage zoog komme, mit Paul en Albert, toen sjloog dem de sjrik om 't hart.
"Mot det d'r auch nog allemoal bie, plus al die luuj wat ein kaertje hubbe?" en toen dach Leon auch nog: "Kent det waal veur dae pries, 9 man van Bagge, get personeel aan 't leech en geluid, plus al dae kroam?"
Names de jonges ken ich dich zegge: Leon, jong, 't kent!

"Leon, doog mich nog zo'n kelk ( 't Lichaam van Christus) mit van dae Gerardus en de jonges eine sjoes, behalve Wil, dae haet lever Malt, doe wets waal woorom!"
Mer böste vanmurge al 'ns noa de laeg flesje goan kieke?
Noe wetse woorom det w'r zo goodkoup woore!

Man, det woor toch weer sjiek, zo'n bomvol zaelke, luuj die oet Born, Buchten, Holtum en joa, zelfs oet British Columbia, Vancouver, Canada koome.
Det maedje oet Canada haet dus echt get zinnigs te vertellen es 't weer thoes is, det meint echt det half Zuid-Nederland eine variant van Antrax-besjmetting haet, wobie neet de longe mer de hersenen waere aangetast.
Noa al die joare det w'r in feestente en sporthalle sjtonge is dit toch zeker zo leuk, weggeduujd in de hook van de kroeg, op reikwijdte van 't buffet.

Volgend joar goan w'r det dekker doon, dus es g'r eemes weet mit eine café en ein bühnke dan loat 'm mer belle!

Det is toch hartsjtikke leuk.

Dus 2002 zal veur ein gedeilte in 't teike sjtoan van de "KORT BIE D'N TAP-TOER".

Mit de minister hawwe w'r veuraaf geregeld det de landelijke alcoholcontrole eine daag eerder wort gehawte, zodet ederein weer veilig, mit zien riebewies thoes is gekomme.

Tot Bagges op 30 November bie de Buren in Sittard

Henk (Gerardus)

Voor foto's van dit optreden: klik hier

 
Janse Bagge bie BNN 
 
18 februari 2001

Bagge back again in the arena, oftewel Bagge weer op de mat!
Loat ze mer lulle, mer die aw buule woore d'r weer en eerlik is eerlik, Armand haet in al die joare toch duudelik mee last van de zoere raege gehad.
Om 11.00 oer sjtonge w'r al te soundchecken en tusjedoor de sop en koffie en vlaai en sjoesse te testen.
Toch is det altied waal gezellig, det sfeerke veuraaf.
Veur de luuj wat neet zeen doa-gewaes, in 't eerste oer zoot dus Armand, doe kens denke euver 'm wiese wils, mer det " Ben ik te min" is toch een sjtandbeeld gewaes veur die generatie in de joare 60. (Ich dus!).  Achter 't gordien haw d'r al drie van die dikke gamba's opgerouk en oppe buuhn sjtook hae zich nog get op wat volges mich neet " van de Weduwe van van Nelle " woor.

                Nog effe mit 'm gemoeld euver zien Lowden gitaar.

                Henk + Armand

"Ga ik naar Ierland met drieeneenhalf duuzend gulden op zak, godverdomme, kom ik daar, godverdomme, is 't godverdomme te weinig, godverdomme, ik weer terug, godverdomme."

Mer oeteindelik woor d'r nog 'ns truukgegange mit nog get geld en haet d'r ze gekoch.

"Kom ik thuis met dat ding, godverdomme en heb gelijk een E-mail gestuurd met de tekst: I'm writing my best songs with your piece of crafmanship on my knee.

En, godverdomme, dat mailtje hebben ze nou in de fabriek hangen, godverdomme"

Ja, en de rest woor dus auch in orde, die men van Splitsing/Jazzpolitie die kenne dus ech muziek make, wat veural opveel woor 't zachte podiumgeluid, die kooste geweun ongerein mit ein moele op 't podium.
Bie JBB geit alle communicatie mit behulp van seinvlaggen!
Albert Salden leep doa ech ronjd en wis neet wat d'r heurde, is missjein waal drie keer bie mich gewaes om te zegge wie fijn zach det klonk oppe buuhn.
Mer die jonges dronke neet!  Den ken ich det auch, is niks aan!

Dae zenger van Vandenberg, Heerink, dae haet dus echt ein klassesjtum, wie det bie dem de sjtroat oetkump det is echt klasse. En toen wort 't 16.00 oer en deeje w'r wat van os verwach wort:

RAEGEJAS, DE MEK,  SOLLICITERE en PROEMEVLAAI.

Dankzij Paul hubbe de men van de NOB nog ein half oer de banjd loate loupe en det probere w'r te goan gebroeke es d'r ein laif - cd kump.
W'r goan den toch nog anger denger d'r bie opnumme, mer wienee, det heurt g'r waal.


Henk

Voor foto's van dit optreden: klik hier

Hartelijk dank aan: Vincent Oostveen, Frits Rosingh, Dick Dolron, Frank van Schie, Leon Polman, Jeroen Kijk in de Vegte, BNN, NOB AUDIO, Ampco Pro Rent, zaal Mols en iedereen die er was die middag